#aívenopraíña  #sempreJuan

Crónica do PSC da xornada do 15 e 16 de maio de 2021

Publicado por PraíñaSPC en

Victoria satisfactoria contra o Lalín do PSC A senra Café-Bar

Bo partido do prebenxamín que volta á senda da victoria ante o Lalín B. Partido que serviu para mellorar o trato co balón e a colocación no campo. A vindeira semana visitaremos A Estrada.

Empate no derbi alevín contra o Calo

Bo partido do alevín que empatou a 2-2 no derbi contra o Calo. Comezou o partido co dominio do Calo pero pouco a pouco o alevín logrou saír co balón xogado dende atrás. Marcaba o Calo o primeiro gol dende fóra da área. Na segunda metade, Álvaro facia o gol do empate cun bo disparo coa perna esquerda. Aos poucos minutos Anxo marcaba o 2-1. Nos minutos finais empataría o Calo. Bo partido do alevín que segue mellorando partido a partido.

Derrota do PSC en cadetes cun excelente comezo de partido

Nun primeiro tempo onde os erros defensivos propiciaron varias ocasións, o Praíña adiantouse grazas a unha xogada embarullada na área do Lalín, dando o primeiro gol en propia meta. Cuns minutos onde a pelota era para os rapaces do Praíña, o Lalín empatou nun saque de esquina que acabou sendo o segundo en propia porta do partido. A partires de ahí, o balón en longo deulles aos rapaces do Lalín corners nos que souberon atopar o hoco para poñer o 1-3.
Tralo descanso, as líneas altas e o ímpetu do medio campo nos rapaces do Praiña provocou varios erros no Lalín, poñéndose a un gol de distancia dos locais e tendo a oportunidade de empatar cun penalti que acabou rebotando no pao dereito. A partires dese momento, as liñas altas soubéronas coller os rapaces de Lalín, propiciando o 4-2 e, cunha falta lixeiramente afastada, colocar o 5-2 co que acabaría o partido dos cadetes do Praiña.

Empate a un gol do PSC Estación de Servizo Pontevea

Empate a un gol no encontro. Comezou o Praíña adiantándose cun certeiro gol de Fátima. A comezos da segunda metade, a S.D. Amio marcou un gol olímpico que puña as táboas no marcador. Minuto de silencio respectuoso polo pasamento de Lola Rey. Como nota negativa, a xogadora do Amio Sara tivo que ser retirada do terreo polas asistencias debido a un forte impacto contra as vallas. Desexámoslle unha pronta recuperación. 

Categorías: Noticias

0 comentarios

Deja una respuesta

Marcador de posición del avatar

Tu dirección de correo electrónico no será publicada. Los campos obligatorios están marcados con *