#aívenopraíña  #sempreJuan

Crónica PSC da fin de semana: 1 e 2 de maio

Publicado por PraíñaSPC en

Dous empates, dúas derrotas e unha victoria

Partido moi igualado disputado polo prebenxamín ante o S.D. Cacheiras. Adiantouse o conxunto praiñista ao pouco de comenzar o partido cun disparo de falta. Posteriormente o Cacheiras empatou o partido e xusto antes do descanso, o PSC volveuse a poñer por diante no marcador. Na segunda parte, o clube vermello tivo máis ocasións para aumentar a renda, e acabou marcando o terceiro 5 min antes do final.
A seguir traballando así e para a semana, o PSC recibe a visita do Lalín, nun partido na disputa do liderato.

Unha mala segunda parte condena al PSC Residencia Puentevea

Bo partido do alevín PSC Residencia Puentevea ante o Fatima B pese a derrota por 1-3, (marcou Diego para o PSC).
Partido que chegou con 1-1 ao descanso e que na segunda parte se decantou para o equipo rival que tivo máis sorte que os locais, que dispuxeron de ocasións pero non remataron en gol.
Segue a progresión dos rapaces do alevin, que pouco a pouco vaise notando a melloría no terreo de xogo.

Derrota amarga do PSC Pernas Multicentro

Partidazo no municipal da Cañoteira entre os cadetes do Praíña e os do Bertamiráns. Nunha primeira parte igualada, o Bertamiráns adiantouse tras unha xogada rocambolesca, colocando o 0-1 para os visitantes. Empezada a segunda metada, os visitantes puideron adiantarse por dous, pero deseguido os novos do Praiña tiveron o empate nas botas dos seus dianteiros, primeiro, e dos extremos despois. Agotados despois de dalo todo no campo, os rapaces vense capaces de sacar os seguintes partidos ao notar o seu nivel ascendente.

Valioso punto en Arousa do PSC Estación de Servizo Pontevea

Táboas no encontro en Arousa. Adiantouse o conxunto local durante a primeira metade ainda que o conxunto das Nosas soubo reporse na segunda metade igualando o encontro. O conxunto praiñista puido levarse o encontro con tres claras ocasións, pero finalmente asinouse o empate cun clube que ocupa o mesmo lugar na clasificación.

Empate nun encontro disputado contra o S.D. Cacheiras no derbi teense

Partido de altos e baixos onde por momentos variaba o dominador do partido.
Primeira parte onde foi mellor, o conxunto Praiñista que logrou ir con vantaxe ó descanso por 1-0 con gol de Samu Martins.
Ao descanso houbo que cambiar o plan de partido, xa que Anxo, o porteiro, tivo que ser sustituido tras levar unha patada na cabeza na primeira metade, que non foi correctamente sancionada polo árbitro. Troco na portería: sae Anxo e ocupa o seu lugar Sergio Vilariño que estaba a xogar de dianteiro. Isto provocou que a presión do equipo local baixara e permiteu ao S.D. Cacheiras avanzar liñas. Mala segunda metade do equipo xuvenil que viu como lle empataban tras un intento de centro que alcanzou portería e se converteu no definitivo empate a 1-1.
Resultado amargo para o xuvenil pero que visto como foi de dura a semana, as baixas e o transcurso do partido, pódese dar por bo este punto. Punto que permite seguir líderes con 7 puntos, para a semana, visita A Estrada co obxectivo de gañar e rematar líderes a primeira volta.

Categorías: Noticias

0 comentarios

Deja una respuesta

Marcador de posición del avatar

Tu dirección de correo electrónico no será publicada. Los campos obligatorios están marcados con *