#aívenopraíña  #sempreJuan

Crónica PSC: O Praíña Sporting Club na primeira finde de xuño

Publicado por PraíñaSPC en

O PSC Vidrieras Compostela cae con orgullo ante a S.D. Cacheiras

Derrota con orgullo do equipo Xuvenil no derbi ante o Cacheiras. O partido comezaba cos dous equipos tanteándose, foi o Cacheiras o que marcaría o primeiro gol cun disparo lonxano dende o medio do campo. Minutos despois o Praíña intentaríao pero foi o Cacheiras o que faría o 2-0 nun remate dun córner. O partido comezaba a quentarse e o árbitro non foi quen de impartir xustiza e tras unha serie de patadas por parte de ambos equipos, o árbitro considerou sacar tarxeta vermella a un xogador do Praíña. Isto trastocou os plans do equipo, tocou cambiar de sistema e facer un par de reaxustes tácticos. Saíamos ao segundo tempo coa mentalidade e a intención de remontar o partido. O Xuvenil tirou do orgullo e fíxose dono do partido cun xogador menos. Empezaron a chegar as ocasións e grazas ao apoio da afición e dos xogadores que estaban no banco de suplentes os rapaces viñéronse arriba e seguiron confiando. Rubén faría o 2-1 tras o remate dun centro de Raúl, gol que daba esperanzas ao equipo. O Praíña estaba volcado en ataque, pero a sorte non estivo de noso lado como tantas veces na tempada. Unha chilena de Montes que se foi por pouco e un remate ao pao de Martins casi logran a fazaña. Final dun partido onde o equipo Xuvenil tirou de orgullo e representou os valores que fan grande a un clube como o Praiña.
Por último dar os parabéns ao Cacheiras pola victoria.

Victoria do PSC Estación de Servizo Pontevea no Juan Amado

Victoria do conxunto feminino no que as locais foron quen de afinar a puntería e atinar o balón entre os tres paos con maior eficacia. Último partido de liga para a escadra vermella, xa que a última xornada toca descanso. Houbo remontada final tras poñerse por diante o Atlético Arousana, o Praíña foi quen de deixar un 4-2 no marcador para despedir a temporada cunha merecida victoria.

Tres puntos máis para o PSC A Senra Café Bar nunha victoria moi sufrida

Victoria moi sufrida do equipo prebenxamín. Comezo dubitativo do equipo que viu como o Cacheiras collía vantaxe no marcador. A partir do gol, o equipo deu un paso adiante marcando 3 goles antes do descanso deixando o partido nun 3-1. Na segunda parte tivemos ocasións para aumentar a renda pero foi a S.D. Cacheiras quen igualou o marcador, chegando ao final. No último minuto un córner lanzado por Martín foi rematado por Manu, deixando o resultado nun 4-3. O próximo partido recibimos al líder, o Lalín.

Fátima 1- 4 Praíña Residencia Puentevea. Fantástica victoria en Santa Isabel

Victoria do equipo alevín ante o Fátima en Santa Isabel. Moi bo partido realizado polos nenos onde conseguiron marcar 4 goles. Dous Diego, un Mauro e un Hugo fixeron os goles praiñistas.
Primeira victoria da tempada que premia o esforzo e o traballo dos nenos tanto nos partidos como nos adestramentos. Que siga a racha!!!

Dura derrota ante os campións de Liga

Cunha previa na que se lle deu unha ovación aos campións da liga, o Praiña saíu ao campo con boas intencións pero con pouca precisión. Con boa fluidez de balón pero con erros nas marcas, o Bertamiráns aproveitou un balón dividido, no que o seu xogador rematou dende a súa casa, para facer o primeiro do partido. Deseguido, unha man xusto debaixo da portería deulles aos rapaces do Bertamiráns a oportunidade do segundo e non a desaproveitaron. A poucos minutos para o descanso, o Bertamiráns fixo o terceiro aproveitando un erro de decisión entre central e porteiro e tras unha pérdida de balón a poucos metros do medio campo, conseguiu o definitivo 4-0.
Entrada a segunda parte, os locais puideron aproveitar para ampliar o marcador, o igual que os visitantes tiveron as súas chegadas ao contrataque para maquillar o resultado, pero tanto uns como outros adoleceron de mordente precisa para facer variar o marcador.

Categorías: Noticias

0 comentarios

Deja una respuesta

Marcador de posición del avatar

Tu dirección de correo electrónico no será publicada. Los campos obligatorios están marcados con *